9/11/2016

Арьс арчилгааны алхамууд

Hiiii guys, it's been so long since my first memo,

Тэгэхээр өнөөдрийн арьс арчилгааны блогоо өглөө болон оройны гэж 2 хуваахаар шийдлээ.

Орой

1. Тоник
Тоник хэрэглэх шаардлагатай юу гэвэл тийм. Угаагч бидний нүүрэнд байх ёсгүй болон байх ёстой бүгдийг авч одсон байдаг учраас тоник эдгээрийг буцааж тэнцвэржүүлэх үүрэгтэй бүтээгдэхүүн нь юм. Түүнээс гадна үлдэгдэл бохирдолыг цэвэрлэнэ, арьсыг чийгшүүлнэ гэх мэт давхар давхар олон үйлчилгээтэй. Тэгэхээр тоникийг хэрэглэж эхлэх нь тийм ч муугүй хэрэг.
Миний хувьд  хольмог арьстай Т хэсгээр батга их гарах дуртай болохоор спирт ханхалсан тоникууд хэрэглэдэг байлаа. Жишээ нь Clinique - ийн 1 2 3 4 дугаарын тоникууд бүгд тэр чигээрээ спиртээр хийсэн юм шиг л. Нэлээн хэрэглэж байгаад батга хатаах гэхээсээ илүү арьсыг цочроож улам эмзэг болгоод байгаам шиг санагдаад хэрэглэхээ больсон. Тэгээд арай зөөлнийг хайж эхэлсэн.

Яг одоо миний хэрэглэж байгаа тоник бол Innisfree брэндийн Bija Anti-Trouble Skin. Хэдийгээр скин боловч энэ line-д бол тоникны үүрэг гүйцэтгэж байгаа. Бага зэрэг спиртын агууламжтай гэхдээ тун зөөлөн тоник. So far so good.

2. Сырүм/Эссэнси
Ер нь солонгосын арьс арчилгаан дээр ямар дарааллаар хэрэглэх вэ гэдэг асуулт дандаа гарч ирдэг. Хамгийн ойлгожтойгоор тайлбарлахад ер нь хамгийн шингэнээс нь эхэлж түрхэнэ гэж ойлгоход болно. Учир нь шингэж байх тусмаа арьсан хурдан шингэж илүү гүнд орж үйлчилдэг.
Сырүм/Эссэнси нь найрлагын хувьд хамгийн баялаг бөгөөд хамгийн шингэн нь учраас хамгийн эхэнд түрхэх учиртай билээ. Тухайн сырүм/эссэнси ямар зориулалттайгаас шалтгаалж хамгийн их үр дүн үзүүлэх бүтээгдэхүүн гэсэн үг. Сырүмийг шууд түрхдэг бол эссэнсийг хөвөнд шингээж түрхэх нь илүү үр дүнтэй гэж ярьдаг. Гэхдээ хувь хүний сонголт л доо.

Миний одоо хэрэглэж байгаа сырүм бол Innisfree Green Tea Seed Serum. Одоо бараг 2 жил гаран хэрэглэж байна, үнэхээр гоё сырүм, арьсанд маш сайн тэжээл өгдөг, над шиг хольмог арьстай хүнд яг тохирсон. Зөвхөн сырүм.ээ түрхээд унтаад босоод ирэхэд л нээх зөөлхөн, гэрэлтсэн сайхан болцон босч ирдэг.

Залуу байхын ганц сайхан юм нь арьсаа тордоод ирэхээр урамтай өнгө ордог. Тийм болохоор залхууралгүй сайн арчлаад байвал хөөрхий минь бас тийм ч яахаа алдсан эд биш шүүдээ, лол

3. Cкин & Лосион
Энэ алхам бол таны өөрийн сонголттой холбоотой. Илүү чийгшэл хэрэгтэй гэж үзсэн үед нэн ялангуяа хуурай арьстай хүмүүст илүү тохиромжтой үе шат гэж би боддог. Яг ямар үйлчилгээтэй юм гэвэл зүгээр л давхар чийгшил өгнө. Сырүм/эссэнсийг бодоход найрлага нь тийм ч баялаг биш боловч хоёуланг нь хослуулаад хэрэглэхэд  чийгшэл маш сайн өгч байгаа нь мэдэгдэнэ.

Скин нь илүү шингэж харин лосион нь тосыг бодоход шингэн боловч скин.ээсээ хамаагүй өтгөн байдаг. Брэнд болгон өөр өөрөөр нэрлэдэг болохоор заримдаа юу нь юугаа мэдэхээ байчихдаг. Жишээ нь Innisfree-д Skin & Lotion гэдэг бол Skinfood-д Toner & Emulsion гэж нэрлэдэг, гэхдээ бүгдээрээ л нэг л юмыг хэлээд байгаам л даа.

4. Маск
Ер нь бол долоо хоногт 2-3 удаа арьсныхаа онцлогт тохируулаад маск тавьж байх нь чухал. Маск яагаад тавих хэрэгтэй вэ гэвэл үү, илүү эрчимтэй арчилгаа үзүүлэх гэж, яг л хааяа нэг сайхан цагаан хоол идэх эрүүл мэндэд тустай байдаг шиг. За энэ нээх хамааралгүй жишээ авчуу үгүй юу, хаха. Юу ч гэсэн богино хугацаанд өндөр үр дүнд хүрнэ гэсэн үг.
Маскны талаар дараа тухтай шинэ пост бичнээ. Маскийг орой хэрэглэвэл хамгийн үр дүнтэй. Шөнөжин тэжээл ууж хононо гэсэн үг. :D

5. Тос
За бас л тосыг яагаад түрхэх хэрэгтэй вэ талаар ярилций. Тос нь бусад бүтээгдэхүүн дундаасаа хамгийн өтгөн нь учраас хамгийн сүүлд түрхэнэ. Тос хүний арьсанд тэжээл өгөхөөс гадна хамгаалалт болж өгдөг. Энэ нь өмнө түрхсэн бүтээгдэхүүнийг арьснаас гадагшилж ууршихаас хамгаалахаас гадна, гадны элдэв бохирдлоос мөн хамгаалах үүрэгтэй байдаг. Хамгийн сүүлийн хамгаалалтын давхарга гээд богиноор ойлгоход болно.
Хэт их хуурай арьстай биш л бол усан суурьтай тосыг сонгож түрхэх нь хамгийн оновчтой.

Би одоо Neogen White Clear Cream - ийг хэрэглэж байгаа, цайруулах үйлчилгээтэй тос, бага зэрэг тослог талдаа, тиймээс түрхэхдээ их нимгэн, маш нимгэн, тун нимгэн... :P

6. Зовхины тос
Энэ бол хамгийн чухал асуудал болоод байна нөхдөө, бидний хамгийн их арчилгаа тавьж мөнгө зарж байх хэрэгтэй бүтээгдэхүүн бол яах аргагүй зовхины тос мөн билээ. Нүүрний ганц булчингүй хэсэг учраас зүгээр л сул арьс гэсэн үг, гаднаас нь л арчилж чангалж татаж байхгүй бол дотроосоо ямар ч нэмэргүй. Яаж үрчлээгүй байх вэ гэвэл үүсгэхгүй байх хэрэгтэй, тэгэхийн тулд тос л түрхэх шаардлагатай. Угаасаа үрчлээ бол чийгшил дутагдаж хуурайшсанаас үүсдэг учраас үрчлээ суухаасаа өмнө маш сайн хамгаалж, одооноо эхэлж тос түрхэх нь чухал болжээ.
Нэн ялангуяа 25+ насныхаан, тос түрхэж эхлээчээ гэж хэлий, захий, сануулая, өөр зүйлгүй дээ... :P

Миний хэрэглэж байгаа Innisfree Green Tea Seed Eye Cream. Ер нь хамгийн үнэтэй бүтээгдэхүүн нь зовхины тос байдаг юм шиг, гэхдээ удаан хэрэглэдэг болохоор бас давгүй шүү

6. Бусад нэмэлт
Бусад нэмэлт бүтээгдэхүүнүүд бүх төрлийн мист, sleeping pack/шөнийн тос болон батганы эсрэг ойл/сырүм/эссэнси гэх мэт.

Хэрвээ та батгатай арьстай бол Manyo Factory Galactomyces Niacin нэг хэрэглээд үзээрэй, надад бол маш их таалагдсан, учир нь өмнө нь миний духаар айл нүүцэн юм шиг л жижиг том биржгэр батганууд их байдаг байлаа. Харин энийг түрхэж эхлээд маш дээрдсэн, батгануудаа тоолохоор хэмжээнд очтолоо багассан гэх үүдээ, 

Дүү маань хүртэл дуртай болоод сүүлийн хагас шил юм надад хүртэлгүй дууссан даа. So I definitely recommend it!

Sleeping pack-ууд бас дажгүй, сүүлийн үед арьсанд амархан шингэдэг, шөнө унтаж байхад арьсанд амьсгалах боломж олгодог, дээрээс нь тэжээл өгдөг ийм төрлийн бүтээгдэхүүнүүд маш олон болсон байна.

Та мэдээж дээр дурьдагдсан бүх алхамыг түрхэх албагүй шүү дээ, миний хувьд тухайн өдөр арьс маань хэр байгаагаас хамаараад маск тавиад арчлаад, эсвэл зөвхөн сырүмээ түрхээд л унтчихдаг гэх мэт өөр өөр. Тиймээс та бас өөрийн онцлогт тохируулж хэрэглэж болно, гэхдэ сырүм/эссэнси болон совхины тосоо мартахгүй байхыг дахин сануулий, :)


Өглөө

Оройны нүүр арчилгааны үе шатнаас нээх ялгараад байх юм байхгүй ч нүүр будахын өмнө учраас хүн бүр л өөрийнхөө онцлогт тааруулдаг байх.
Миний хувьд Сырүм -> Скин&Лосион эсвэл Тос -> Нарны тос -> Primer/кремны суурь гээд л хамаг юмаа түрхдэг. Учир нь крем түрхэхээр миний нүүр арзайгаад байдаг болохоор сайн гуужуулж, сайн чийгжүүлэх хэрэгтэй болдог.

Мартсанаас сүүлийн үед хөвөнд сырүм/эссэнси/мист шингээж байгаад барзайгаад байдаг хацар духан гэх мэт газраа наагаад 5мин орчим болгоод авбал арьс хамаагүй өөр байдгийг туршиж үзлээ. 

Мөн крем чинь сайн шингэж өгөхгүй бол бага зэрэг  тос эсвэл лосионтой 2/1 - ээр холиод түрхвэл мөн зүгээр.
Нарны тос бас бөөгнөрөөд байх магадлалтай болохоор тостой бага зэрэг хольж байгаад түрхвэл бөөгнөрөөд цайраад байхгүй амар байдаг.


Ер нь нарны тос, чийгшүүлэгч, крем нтрээ бүгдийг нь холиод түрхсэн ч болийшдээ, ер нь тэгж ярих юм бол сүүлийн үед бүгдийг нь ингэж холиод cushion гэдэг бүтээгдэхүүн гаргаад байгаа биз дээ. За энэ чинь нүүр арьчилгаа болохоос нүүр будалт биш шүүдээ, тэгэхээр одоо тайвширах хэрэгтэй, тайван тайван гол нь тайван...~~~~


Okay, өнөөдөр энэ хүрээд өндөрлий, та бүхэнд таалагдсан байх гэж найдаж байна. Одооноос эхэлж тогтмол бичиж байна аа.
Та бүхэн ч бас үнэтэй зөвөлгөө, санал сэтгэгдлээсээ хуваалцаж байгаарай.

Thanks,

2/21/2016

Нүүр цэвэрлэх алхамууд

Сайн байцгаана уу бүсгүйчүүдээ,

Нэг ийм блог бичие гэж бодосоор он жил, цаг хугацаа урсан өнгөрч өдийг хүрчээ. Тэгээд эхлэхгүй бол горьгүй нь гэж бодоод өнөөдрийн энэ сайхан амралтын өдөр бичиж сууна. Охид бүсгүйчүүд маань энд тавигдсан постуудыг уншихаас гадна, хэрэгтэй мэдээллээ хоорондоо солилцдог мэдээлэл зөвөлгөө сайтай тийм гоё газар болно гэж найдаж байна. 


Хамгийн анхны постоороо өөрийнхөө хэрэглэдэг нүүр цэвэрлэгээний аргын талаараа хүргэе гэж бодлоо. Миний арьс дух хамар эрүүгээрээ тослог, юм гардаг харин бусад хэсгээрээ энгийн хуурай арьстай.
Одоогийн миний хэрэглэж байгаа нүүр цэвэрлэгээний дарааллыг би Dermalogica гээд брендийн бүтээгдэхүүнүүдийг сонирхож яваад анх сонссон юм, харин дараа нь бүр тренд болсон арга байсныг нь мэдсэн. Ерөнхий үндсэн дараалал нь энэ:

1. Make-up Remover: Мэдээж нүдний будаг, уруулын тинт, тэр дундаа сормуусны уг, усны хамгаалалттай сормуусны будагаа арилгах нь хамгийн эхний алхам юм. Нэлээн сайн дээрээс нь зөөлөн нүдний будаг арилгагчтай байх нь хамгийн чухал. Тэгээд юу юугүй арчилгүйгээр хөвөндөө шингээгээд 5 секунд дарж хүлээж байгаад арчиж авбал хурдан арилхаас гадна сормуус унах нь ч бага. Бүгдээрээ нүдэндээ их зөөлөн хандацгааяа! Уншаад байхнаа нүүрний ганц булчингүй хэсэг учраас хамгийн түрүүнд сулардаг, үрчлээ суудаг хэсэг юм байна лээ шүү! Би сүүлд энэ Skinfood Milk shake point make-up remover хэрэглэж байна. Их судалж байж авсан, сэтгэл гонсойлгойгүй шүү, сүүний найрлагатай болохоор их зөөлөн, дээрээс нь сормуусны угийн конторыг хүртэл маш сайн авч арилгадаг болохоор хайр зарласан байна.


2. Cleansing Oil: Энэхүү cleansing oil нь ер нь нэг төрлийн тос бөгөөд нүүрний будаг, бусад хир буртагийг цэвэрлэх зориулалттай юм. Бид орой нүдний будгаа тусгай цэвэрлэгчээр арилгадаг болохоос foundation-ээ бол зүгээр угаачихдаг шүүдээ. Харин энэ тос бүх будгийг цогцоор нь арилгах чадалтай маш сайн цэвэрлэгч. Одоо бол энэ миний нүүр цэвэрлэгээний хамгийн чухал алхам болоод байна.


Хэрэглэх үедээ ерөөсөө ус хүргэлгүй нүүрэндээ түрхээд массажлана, арай хуурай юм шиг санагдвал жаахан устай хольж болно. Тос болохоор нүүрэнд наалдаад салахгүй байх гэж бодож магадгүй, харин ч эсрэгээрээ ус хүргэхэд л шууд арилчихдаг. Яг одоо бол би Innisfree брэндийн Apple Juicy cleansing oil хэрэглэж байна. Их гоё алимны үнэртэй, дараа нь арьс маш зөөлхөн болсон мэдрэмж төрдөг.


3. Cleansing Foam/Gel: Одоо нүүрний хир буртагийг арилгасан учраас нүүр угаагчаа хэрэглэж илүү гүн бохирдлуудыг цэвэрлэх хэрэгтэй. Ямар ч угаагч байж болно нүүрнийхээ онцлогт тааруулаад. Би яг одоо Innisfree-гийн асуудалтай арьсанд зориулсан Bija trouble facial foam хэрэглэж байгаа, тун давгүй хамаг өөх тосыг маань хуу хамаал явчихдийн. Гар дээрээ авч жаахан ус нэмж байгаад нэлээн хөөсрүүлж байгаад нүүрээ угаавал их зүгээр, шууд нүүрэндээ түрхсэнээс. Ер нь cleansing oil-оор хир бутагийг нь ихэнхийг нь авсан болохоор энэ шатанд хөөсөөрөө нэг л угаахад хангалттай байдаг. Будгаа сайн арилгах гээд 2 удаа угаахаар бас нүүр хуурайших талтай дээрээс нь угаагчинд ч гэсэн хэмнэлттэй :P.


Өглөө нүүрээ угаагчаар угаах шаардлагатай юу? гэсэн асуултыг би бас өөрөөсөө асууж байлаа. Уншихнээ хэрвээ хуурай арьстай бол заавал нүүр угаагчаар угаах шаардлагагүй. Харин тослог бол өглөө угаах нь тийм ч буруу зүйл биш, дээрээс нь нүүрийг будалтанд бэлдэх нэг алхам болдог гэнээ. Тэгэхээр энэ бол ёстой хувь хүний сонголт бололтой. Би хувьдаа бага зэрэг угаагчаар хөнгөн угаачихдаг. 

4. Scrub болон Нэмэлт арчилгаа: Дээр гурван шатаар бол ерөнхийдөө өдөр тутмын нүүр цэвэрлэгээ маань дуусдаг, харин долоо хоногтоо 1-2 удаа нэмэлт арчилгааг хийнэ. 

Эхнийх нь нүүрээ гуужуулах: Энэ шат их чухал шат юм шиг санагдах болсон, нүүрний илүүдэл үхмэл арьсуудаа гуужуулахаар цаанаасаа нүүр зөөлөн болж, будаг хүртэл шингээх нь сайжирдаг. Тийм болохоор 7 хоногтоо 1-2 удаа тогтмол хэрэглэж байгаарай. Миний одоогийн хэрэглэж байгаа нь Skinfood Black Sugar Essential Scrub 2X, элсэн чихрийн үйрмэгүүд нь массажлаад байхаар уусааад алга болчихно тэгээд жаахан байлгаж байгаад угаагаад авахаар нүүр гэж зүгээр "baby butt". 


Харин дараагийнх нь энэ хөөсөөр цэвэрлэх арга: Ер нь япончууд нүүр их эмзэг учраас их зөөлөн юмаар угаах ёстой гээд гараараа биш хөөсөөр угаадаг гэж тэнд амьдардаг найзаасаа сонсож байлаа. Би энэ аргыг их сайн арга гэж хэлэх байна, хэрэглэсний дараа нүүр их цэвэрхэн цагаан болцийм шиг санагдахаас гадна нүүрэн дээр гардаг юмнууд хүртэл багассан байдаг.
Хэрэглэх тухайд бол гадуур хөөсрүүлдэг пролон сетка зөндөө байдаг болсон байналээ. Тэрийгээ жаахан усаар норгож байгаад угаагчнаасаа бага зэрэг хийгээд сайн үрнэ. Хөөс нь ийм өтгөн болохоор нь нүүрэндээ түрхээд 1-2мин массажлана, тэгээд л угаагаад авчихна даа.


Дуучин Нара энэ аргын талаар бичлэг хийсэн байсныг сонирхоорой.
Nara-ийн нүүрээ хөөсөөр цэвэрлэх бичлэг

Ингээд миний нүүр цэвэрлэгээний шат маань дуусч байгаа нь энэ дээ.

PS: Сүүлийн үед энэ тэндэхийн юм хум уншиж хараад байхад энэ нүүрээ угаахдаа электрон сойз их хэрэглэх болжээ. Дуулаад байхнээ гараар угааснаас 10 дахин үр дүнтэй цэвэрлэдэг гэнэ. Онлайнаар сэтгэгдэлүүд ч гэсэн их сайн үнэлгээтэй, хүмүүст мэдэгдэхүйц өөрчлөлт их гарсан, нүүр нь гэрэлтэх боллоо нтр гээд л хүний хорхой хүргээд байх болж. Судалж үзээд анхдагч мөн хамгийн сайн гэгдэх Clarisonic гээд брэндийхийг авах гэтэл ар гэрийн гачигдлаар хасагдлаа гэдэг шиг, нэг сайхан нартай өдөр хямдархаар нь авнаа гэсэн чин хүсэл эрмэлзэлтэй явна. Анхнаасаа энэ брэндийг хамгийн сайн гээд итгэцэн чинь өөрийг, алтернатив үнэтэйг нь авах гэхээр итгэл үнэмшил хүрдэггүй. Удахгүй авч хэрэглэж үзээд сэтгэгдэлээ хуваалцнаа. Хэрэв та бүхэн хэрэглэдэг бол бас сэтгэгдэлээ хуваалцаарай!


Credits: Begii